اكسسوارات الزرعات مختلفة في المخزن عن الماتيريال العادية , و ده عشان انها مستدامة الوجود في العيادة ( لا تستهلك مرة واحدة بل يتم استهلاكها مرات كثيرة )

مثلا : عندي امبريشن بوست المفروض طلع من المخزن و هيتعمل به مقاس و هيروح المعمل , المفروض يكون في اختيار في السيستم انه القطعة ده هتطلع لفترة زمنية و هترجع المخزن تاني بعد الانتهاء منها , زي التركيبات في المعامل بالضبط ( على السيستم بيبقى مكتوب التركيبة طلعت امتى و هترجع بعد ايه و راحت معمل ايه ) , الامبريشن بوست لازم يظهر انه طلع امتى و مع حالة مين و رايح معمل ايه و راجع المخزن تاني امتى , الاحتمالات اللي ممكن تحصل هنا كتيرة زي : 1- المعمل يبوظ البوست و بالتالي عليه انه يجيب لي واحد تاني و بتالي هتبقى القطعة ده تالف من المعمل و عليه المعمل هيعوضني يا اما ماديا او بقطعة جديدة و عليه السيستم لازم يظهر اختيار ( استرداد نقدي او استبدال قطعة ) و سواء استبدال او فلوس لازم الكلام ده يسمّع في المعمل بشكل مباشر ..... 2- ممكن الامبريشن بوست يبوظ مع الدكتور فلازم انا اشتري واحد جديد و بالتالي ده هيبقى تالف فلازم تظهر ملاحظة اقدر اكتب فيها سبب التلف ( زي إلغاء المواعيد في السيستم )

مثلا الابتمينت : لازم تحطوا زي بند ليها تكون فيها الملاحظات التاليه ( تابعة لحالة مين - التاريخ اللي هتتحط للحالة فيه - التاريخ اللي اتعملت فيه الزراعة و الدكتور اللي عمل الزراعة - عدد الابتمينت - نوع الابتمينت - هل نوع الابتمينت زي نوع الزرعة و لا في اختلاف ( لان مش كل الزرعات بتاخد نفس نوعها )

الزرعات : امرها مختلف و ده بسبب ان كل شوية ممكن اغير مقاس الزرعة مع الشركة او ارجعها الشركة اصلا و اخد الفلوس تاني لاني ما استعملتهاش

بسبب عدم وجود حل للزرعات و اكسسواراتها على السيستم بأضطر اني اسجل كل اللي فات ده يدوي و اراجع بشكل دوري عليه يدوي , انا شايفة ان لو السيستم هيكون فيه الحلول ده هيبقى احسن